Wednesday, June 3, 2020

Ձմեռ Պապի նվերները

- Շատ եմ խնդրում էլի, Ձմեռ Պապի, թող դառնամ թագավոր։
- Բայց քեզնից ինչ թագավոր, ազիզ, դու տասնապետի էլ չես ձգի։
- Շատ եմ էլի խնդրում, ասիր չէ՞. ով քեզ գիշերը նվեր բերելուց բռնացնի, մի հատ նվիրական երազանքը կիրականացնես։
- Վախ մորս արև... հա ես շատ գիտեի, որ տոնածառի մեջ մարդ կարա միմիկրիա անի... գոնե այֆոն ուզեիր էլի... լավ, տղավարի, ասել եմ, խոսքիս տերն եմ, դառի թագավոր... էս տներից հեսա կհելնեք, արխային...
- Շնորհակալ եմ բարի պապիկ, բայց դու չիմանաս, թե սաղ դու արիր, ես էն տղեն եմ, որ իմ պես թագավոր էլ ուրդուց էիր գտնելու։ Լավ, դու հել արդեն, գնա... ասում եմ ռադ էղի, բիձա, վայ... ես լիքքը գործ ունեմ... գյադե՜ք, սյուրպրի՜զ, արքան ես եմ հմի, կեցցե կեսարը... բերեք տենամ... ոնց ինչը, արա... խորովածը, իկռեն... ու վաբշե հելար դու, այ տղա, դու գնա զնդանում մեկուսացի, ճամփին բաջանաղիս տենաս, ղրկի ստեղ, վեզիրն ինքն ա... հա, հա, հենց էն պորտաբույծ երգչիստին, արքայի կամքն ա, իսկ ով ա՞ արքան, ես եեեմ արքաաաան... վախ, մորս արև արա... իմ պանծալի վեհ ազգին հեսա տեսեք ոնց եմ առաջնորդում դեպի փառավոր ապագա, էս քաքից երկու ամսում ոնց եմ հանում... մեռնեմ ես իմ ժողովրդի ջանին։

***

Tuesday, December 17, 2019

Խոսող մարդը

... կեսգիշերին դուռը դղրդում է։
— Ո՞վ է։ 
— Հրեշը։ Եկել եմ որ եկել եմ, դե պատասխանս տվեք։
Ինչ պատասխան, սարսափից մարդ ու կնկա լեզուն կապվում է, մնում են տեղները քարացած։
— Մի՛ վախենաք, ես ձեր տեղակ սրա պատասխանը կտամ,- ասում է նախորդ իրիկունը իրենց տունը գիշերելու խնդրանքով հյուրընկալված անթրաշ հյուրը ու գնում է դեպի դուռը։
— Եկե՜լ եմ,- դռան ետևից ձայն է տալի Հրեշը։
— Ես էլ եմ եկե՜լ,- պատասխանում Է ներսից հյուրը։
— Ո՞րտեղից ես եկել։
— Էն քաղաքից։
— Ընչո՞վ ես եկել։
— Քայլելով։

Wednesday, September 11, 2019

Բալլադ #2

Վարչապետը մի պաշտոն է, որ շատերն են ցանկանում,
Նրա շուրջը օլիգարխ ու չինովնիկ են խոնարհվում,
Վարչապետն առանձնատուն է, վերջին զանգ ու վարդավառ,
Ախռաննիկ է, ջուր բռնող է, վերտալյոտ... ու ներված գառ,

Խորոված է ու մառան է, կառնավալ ու փառատոն,
Հարսանիք է, գործուղում է, հեծանիվ ու գինու տոն,
Բաստուրմա է, ղավուրմա է, հոնի ջեմ ու թարմ ծիրան,
Յարխուշտա է, քոչարի է... միտս եկավ Քոչարյան։

Վարչապետն ընդդիմադիր է, բանաստեղծ ու խմբագիր,
«Ես պոետ եմ, ձիս պոետ է», ֆեյսբուքեր, արձակագիր,
Թումանյան է, Մեծարենց է, Մուրացան ու Լեռ Կամսար,
Աղայան ու Թոթովենց է... միտս եկավ Ամուլսար։

Վարչապետը ճշտի մարդ է, ճիշտը մեկն է, հիրավի.
Ինքն ճիշտ էր, Սերժը սխալ էր՝ հեղինակն էս փլավի,
Ամուլսարը հիմա հանք է, երեկ սար, ու հանք էլի,
ՀԱՊԿ-ը վատն էր, հիմա լավն է, սիրելի է, ցանկալի։

Օլիգարխը թշնամի է, ասֆալտին պիտի փռվի՝
Դոն Պիպոն և կես Սաշիկը... Սամվելին պետք է ներվի։
Վանեցյանը մեր ախպերն է, դատավորը՝ պի$%$աս։
Ով Ռոբին ներեց նա նենգ է, անասուն, փնթի, փալաս։

Վարչապետը նախարար է, քարտուղար, ավագանի,
Մարության է, կարգին Հայկ է, տեղակալ թաղապետի,
Հեռախոսը ով կորցրել է, ֆեյսբուքում թող պոստ չանի...
Վարչապետը լեգիտիմ է, դեպուտատ Խուռուլդանի...

Վարչապետը գործուղման էր, համարում իր բարձրակարգ,
Աշխատում էր... չարչարվում էր... փոխում հոտած համակարգ... 
Իրիկունը նա երկնում էր նոր տողեր, նոր օրակարգ...
Գործուղումը Ամստերդամ էր, 
     ...կարմիր վոլգա...  
           ...աբրվալգ...


Wednesday, July 24, 2019

Երեքը մի նավակում, չհաշված շունը (epub, mobi)

Ինտերնետի անծայրածիր եզերքներից գտա պատանեկությանս սիրելի գրքերից մեկի՝ «Երեքը մի նավակում, չհաշված շունը» գրքի թվայնացված տարբերակը։ Գտա, ու սարքեցի epub, mobi։ Ապրի Ջերոմ Քլափքա Ջերոմը, ապրեն թվայնանցնողները, ապրեն կարդացողները, ապրեմ ես։

Ներբեռնել։

Հ.Գ. Որպես բոնուս՝ վերջերս ռուսերեն թարգմանված մի քանի scifi դասական գրքեր էլ էի վերոնշյալ ֆորմատների համար քանդել-հավաքել (ոչ շատ խորը, բայց բավարար որակ կա)։ Դրանք էլ էս հղմամբ։

Ցանկում հետևյալ գրքերն են (տե՛ս ստորև)։ Ուշադրություն դարձրեք հատկապես Շեքլիի հավաքածուին, ուր հեղինակի ԲՈԼՈՐ վիպակներն ու պատմածքներն են հավաքված։
       

Thursday, July 18, 2019

Գեղցին ու ձուկը (կրճատումներով)

Ժուկով ժամանակով մի գեղցի է լինում։ Էս գեղցին մի գարնանային օր որոշում է իրենց գեղի կողքի առվից ձուկ բռնի, ուտի, կշտանա։ Ուռկանը գցում է առուն, հետ քաշում, մեկ էլ ինչ. պարզվում է կեռին մի ոսկե ձուկ է ռաստվել։ Ոսկե, և, ըստ երևույթին, բավական դեբիլ ձուկ, քանի որ կապուտակ օվկիանոսում գտնվող իր պապենական պալատը, իր ծառաներին ու իր արքայավայել ուտեստները թողած՝ հոսանքնիվեր լողալով հասել էր Աղստև գետը լցվող մի ինչ որ անհայտ առու ու էնտեղ փորձել համտեսել էն գեղցու կողմից իր կարթի ժանգոտած կեռին հագցրած մի լղար անձրևորդի։ 

Էս ձուկը մարդկային լեզվով, բայց ահագին ցածր տոնայնությամբ (քանի որ ձայնալարերը, համապատասխանաբար, մարդկայինից փոքր էին) ասում է, թե. ա՛յ գեղցի, ինձ բաց թող, քո ամենանվիրական երեք ցանկությունները կիրականացնեմ։

Tuesday, June 4, 2019

Տերն ու երջանիկ ծառան. լրամշակված տարբերակ

Աստված բարի տա ձեզ էլ, երկու ախպորն էլ։ Լինում են, չեն լինում երկու աղքատ ախպեր են լինում։ Մտածում են ինչ անեն, ոնց անեն, որ իրենց տունը պահեն։ Վճռում են՝ փոքրը տանը մնա, մեծը գնա մի ունևորի ծաոա մտնի, ռոճիկ ստանա, ղրկի տուն։

Էսպես էլ մեծը վեր է կենում գնում մի հարուստի մոտ ծառա մտնում։

Ժամանակ նշանակում են մինչև մին էլ կկվի ձեն ածելը։ Էս հարուստը մի չլսված պայման է դնում ծառային. ասում է՝ «քեզ ռոճիկ չեմ տա, փոխարենը՝ երջանիկ կսարքեմ»։

Տղեն մին վախենում է էս տարօրինակ պայմանից, մին էլ մտածում է, թե ի՞նչ պետք է պատահի։ Մին է՝ վերջին հաշվով փողն ինչի՞ն է պետք. որ ինքը, կինն ու երեխեքն իրենց երջանիկ զգան։ 

Ասում է լավ. համաձայնում է։

Պայմանը կապում են ու մտնում ծառայության։

Thursday, April 18, 2019

Հավելյալ արժեք չստեղծողի սինդրոմն ու դրա հոգեբանական պատճառները. case study

— Գարեգին Սանատրուկովիչ, կարելի է՞։ Ինձ Ալբերտ Սանասարիչն է ուղարկել։
— Դա, ամեցեկ։ Նստեկ։ Լսում եմ...
— Բժիշկ ջան, էս վերջերս հավելյալ արժեք չեմ կարողանում ստեղծել, օգնեք էլի.... էլ չգիտեմ ուր դիմեմ...
— Ձեռ անուն ոնց ա՞ ։ Գևո՞ռգ։ Գևոռգ ջան, անգիստ, ամյեն ինչ կլուծենկ։ Անգստացեկ, պատմեկ։ Երբ եկ նկատել, ոռ ավելյալ առժեկ չեկ կարողանում ստեղծել։
— Բժիշկ ջան, էս նոր տարու կողմերն էր։ Դե պարզ ա, մի քիչ խմիչք ա, բան ա, չարաշահեցի։ Դե ոնց չխմես, քեռուս տղեն էր Տյումենից եկել։ Ոբշմ։ Մի քիչ էլ մրսացրել էի, ճիշտն ասած։ Արձակուրդներից հետո գնում եմ գործի, տեսնեմ հավելյալ արժեք չի ստեղծվում։ Սկզբից էդքան ուշադրություն չդարձրեցի, մտածեցի մրսածությունից ա։ Մի քիչ շարիկ գլորեցի, մի քիչ սապյոռ խաղացի, գնացի տուն։ Բայց հետո տեսա, որ պրոգրես չկա։ Էդ անտերը չի ստեղծվում, ու վսյո։
— Ինչ ոռ բան ընտունել ե՞կ։